I mati del cuèrto

Un Teatro gh’è a Epidauro,vanto de la “magna” Grecia,in do’ avien... na smaraveja!...e nìssun dise che l’è vecia:gh’è un sasseto in mezo al palcoche, se the ghe meti insìma el piée te sussurri... vien ’n prodigio,che de più grandi no ghe n’è:basta che te verzi bocadrito in mezo a quel puntìn,e i te sente dapartutofin a l’ultimo scalin!E un dì n’imbriàgo greco,sol par no ciapàr du gosse,“Qua bisogna fàrghe un tetto!”l’ha sigàdo là a gran vosse...e tosto i greci intervegnùdi,visto ben che l’era grave,i l’ha portàdo in manicomio,e i ha butàdo via la ciave!Anca qua gh’emo un tesoroammiràdo in tuto el mondo:sotto el ciel, la voce nudala te riva tuto in tondo!Ma qua un, che ben conosseno la Grecia, solo el “magna”,imperterrito da anniel continua la so lagna...El proclama: “Se la piovala ne bagna el tal concerto,a la facia de la storialì bisòn metarghe ’l cuèrto!”E serventi e leccapiéno i pensa gnanca ’n momentinde portàrlo fin Marsana(sarìa ’nca comodo, vissìn)...Ma ossequienti i ghe se inchìna,i ghe asseconda le visioni,i le ciàpa ognor sul serio,i ghe fa gran titoloni!E resta solo la speransa,ripensando a tante bale– al traforo, a sicuressa,al filo bùs, a l’Arsenale –,che, come queste che da anni i è le bale de regìme,qua ’nca sto progetto insanofassa po’ la stessa fine!... ché se ’l problema l’è la piova,varià la pena in t’un momentoalor butàrla zo del tutoe po’ rifàrla de cemento...e dàrghe ’ncà na man de bianco,a memoria imperiturade come, grassie a sti saoni,emo ridotto la cultura!